"साङ्ख्य योग: कपिलदेवको शिक्षामृत" पुस्तकमा भगवान् कपिलदेवले आफ्नी माता देवहूति लाई आत्मज्ञान, भक्तियोग र मोक्षको मार्गबारे गहिरो शिक्षाहरू प्रदान गर्नुहुन्छ। कपिलदेव भगवान् विष्णुको अवतार हुन र उहाँले साङ्ख्य दर्शन मार्फत प्रकृति (भौतिक शरीर) र पुरुष (आत्मा) बीचको भिन्नता स्पष्ट पार्नुहुन्छ। पुस्तकमा आत्मसाक्षात्कारका लागि मन र इन्द्रियहरूको शुद्धिकरण, प्रामाणिक गुरुको शरण, अनि भक्तियोगमार्फत पूर्ण ज्ञान प्राप्त गर्ने उपायहरू विस्तृत रुपमा वर्णन गरिएको छ।

यस ग्रन्थको मूल सन्देश भनेको – भक्ति नै परम मुक्ति हो। कपिलदेवका अनुसार भक्तियोग सबै योगहरू भन्दा सर्वोच्च हो जसले आत्मालाई परमात्मासँग जोड्छ। भौतिक आसक्तिहरू त्यागेर, मनलाई भगवानतर्फ केन्द्रित गर्दा जीवन सफल हुन्छ। अन्ततः, कपिलदेवको शिक्षाले हामीलाई सिकाउँछ कि शुद्ध भक्ति, समर्पण र श्रीकृष्णको शरण ग्रहण नै मोक्ष प्राप्तिको सर्वोत्तम मार्ग हो।